كشفت وسائل إعلام مصرية اليوم السبت 24 ديسمبر 2022 عن نص التحقيقات واعترافات الممثلة منة شلبي بعدما أمرت النيابة بإحالتها للمحاكمة الجنائية بتهمة حيازة مواد مخدرة بقصد التعاطي.
وكشفت التحقيقات التي أجريت مع الفنانة نفيها معرفتها بالمضبوطات.
وأكدت شلبي أنه تم تفتيش حقائبها في غرفة بعيدة عنها، وأنها كانت تحمل أدوات تجميل وليس كما قيل إنها مواد مخدرة.
وبينت الفنانة أن كل ما كانت تحمله أداة تدخين “VAPE” فقط.
وقالت منة شلبي بعد القبض عليها في مطار القاهرة يوم 25 نوفمبر الماضي قادمة من أميركا، بتهمة حيازة مواد مخدرة، إنها كانت في نيويورك لحضور مهرجان “انتر ناشيونال”، وأثناء عودتها للبلاد تم احتجازها في غرفة الأمن وقتها.
وتابعت “وأنا في مطار القاهرة عديت على الجمارك، وأنا خارجة وكان معايا 3 حقائب والدنيا كانت زحمة وأنا حطيت الحقائب اللي معايا على السير علشان يتشاف فيها إيه”.
وواصلت شلبي “ولقيت واحد من اللي واقفين في الجمرك بيقولي معاكي سجارة إلكترونية، فأنا قولتله إني بدخن VAPE”.
وأردفت الفنانة “وكنت بفتح الشنطة علشان أوريله الفيب، فلقيت واحد تاني جه وقالي إحنا هنفتح بقية الحقائب نشوفها وأنا وافقت وقولتله اتفضل”.
وقالت الفنانة ” وقعد يقلب فيها وبعدين أتى واحد ثالث كان بيفتش معاهم وأنا طلعت السجاير الإلكترونية وواحد منهم قالي ممكن تقعدي شوية ووداني غرفة في الجمارك قعدت فيها شوية والحقائب كانت معاهم في الوقت ده”.
وتابعت “لقيت ناس كتير وضباط مطلعين علبة مكياج لونها أخضر بيقولولي إن دي فيها ماريخوانا فقولتله مفيش الكلام ده مش صح وده مكياج عادي بعدين لقيته بيقولي معاكي كوكايين”.
وأردفت شلبي ” قولتله أنا مش بشرب الحاجات دي أصلا وبعدين قالولي طيب استني شوية، وبقيت سامعة کلام کتیر برا”.
وأضافت ” وبعد ساعتين تلاتة لقيتهم بيقلولي اطلبي المحامي بتاعك فبقولهم إيه اللي حصل، قالولي إنتي معك ماريخوانا، وبعدين قالي إنتي هتتعرضي على النيابة”.
واستخلصت الفنانة ” في الوقت ده أنا كنت قاعدة فلقيت أخبار نازلة إني مقبوض عليا ومعايا مخدرات وفضلت هناك لحد لما جيت هنا واتعرضت على النيابة”.
وكانت النيابة المصرية قد أمرت بإحالة الفنانة منة شلبي للمحاكمة الجنائية بتهمة تعاطي المخدرات.
واتهمت النيابة الفنانة بإحرازها الحشيش المخدِّر بقصد التعاطي في غير الأحوال المصرَّح بها قانونًا.
وأضافت النيابة أنها أقامت عليها من شهادة خمسة شهود على الواقعة، وما توصلَّت إليه تحريات الشرطة، وما ثبت بتسجيلات آلات المراقبة بمحل ضبطها.
وقالت النيابة أيضا عما أسفر عنه فحص المعمل الكيماوي للمضبوطات المعثور عليها بحوزتها.
